ملف خاص للمخطوبات فقط

أنا مستغربه كثير ليش مافي اهتمام لحفلة الخطوبة واحتياجات المخطوبة بقدر الإهتمام للعروس طيب أنا اعتبر حتى حفلة الخطوبة وتجهيزات البنت قبل الملكة مهم واشوف اهمال كبير من هالناحية حتى في باقي المنتديات ليش مافي ركن مخصص للخطوبة وماقبل الملكة مثل مافي ركن للعروس وماقبل حفل الزفاف
انا اريد تثبيت هذا الموضوع ليتم المشاركة فية لتستفيد منه كل فتاة مخطوبة ومحتارة ومحتاسه بتجهيزات حفل الخطوبة وتجهل ماتحتاجه من اهتمام لنفسها قبل موعد الملكة
وانا رح اقول اللي عندي من معلومات يعني مثلا
1- البشره غالبا تكون البشره باهته للفتاة وخصوصا مع الربكة والخوف يعني المفروض تبدأ بعمل جدول اسبوعي للأقنعه وتهتم كثير بالأكل الصحي والاكثار من شرب الماء وتروح لأخصائية في مستشفى حتى تشوف ايش تحتاج بشرتها وتكتب لها الكريمات والمقشرات اللي تحتاجها كريم ليل ونهار ومنظف...الخ وفي هذه النقطة نحتاج الخبرة في المستشفيات من المتزوجين او المقبلين على الزواج في اي مستشفى يرشحون واي دكتورة كويسه وماتخليك تندمين انك زرتيها وماتستغلك انا قد رحت مستوصف القويز على طريق الملك عبدالله من زمان سويت بس تنظيف بس مارتحت لها وماحسيت انها خبرة كانت مصرية وفيه مستوصف راسان مادري تنصحوني فيه واحتاج استشير الأخصائية من ناحية الهالات السوداء وذبول الوجه فلاتحرمونا من خبرتكم وتجربتكم
2- شد الصدر ايش تنصحون في هالشي اخصائية او وضع اشياء طبيعية انا سمعت بخل التفاح وحاجه ثانية يدهن بها الصدر لشده
3- خدود الوجه هل هناك خلطات كفيله بنفخها في مده قصيره ام تنصحون باجراء عمليه ملئها بدهون من الجسم نفسه مع اني ماحس ان الأهل بيوافقون بس انا اقول لو في شي طبيعي والحمدلله على النعمه الله لايغير علينا
4- هل تنصحون بالليزر لازالة شعر الإبط فقط او اتركه لحين الاستعداد للزفاف واجراءه لكامل الجسم
5-تبييض الأسنان هل تنصحون بتبييضها عند دكتور الأسنان لأني سمعت انه مضر للأسنان وماهي الأشياء الطبيعيه لتبييضها السريع
5- الأظافر انا من الناس اللي اظافرهم ضيعفة جدا وتتكسر بسرعه وطول عمري اتمنى تكون اظافري جذابة فهل اكتفي بكريم لتقوية الأظافر ام هناك حبوب فيتامين خاصه بتقويتها تساعدني في ذلك وايش افضل وحده تسوي بدكير ومنكير وفي اي مشغل ويكون سعرها مناسب وليس مرتفع
6- المكياج ايش الماركه المجربه والمفضلة للبلاشر انا جربت كرستين ديور وشانيل من قبل وهلحين قربت تخلص معي واشوف وحده من صحباتي تستخدم بلاشر كريمي من (ماك) هل الكريمي افضل من البودر للبلاشر تعتقدون لأن صاحب المحل يقول ان الفرق بس في ان الكريمي يعطي لمعه
- القلوسات نصفها بيخلص ومافي قلوس او روج يخش مزاجي على اني اشتريها من ماركه معروفه مثل ريميل وغيره بس يمكن دايم اغلط في درجة اللون ولما احطه في البيت مايطلع اللون اللي في بالي طبعن هينا نحتاج وحده توها شاريه قلوسات وارواج ومجربه الدرجه وايش رايكم في مستحضرات مكياجي وايش قلم الحواجب اللي تنصحوني فيه
وعلى فكره ودي اخذ دورة مكياج بس بعد الملكه يعني على مهلي مو ضروري هلحين فاي دورة مكياج تنصحون وعند اي مركز
7- العدسات ..ايش افضل لون للعدسات انا عندي اكثر من لون بس في راسي لون شكله ماصنعوه في الدنيا يعني فيروزي على رمادي على عسلي على ازرق>>>ههههه ادري مو موجود
8- عبايه طبعن عباتي حللت ابوها اللي هي الفراشه من زمان فصلتها ومحتاجه افصل عبايه اطلع فيها وانا واثقه وش رايكم في توايلا
9- شنطة وش اخر محل مطلع اشكال حلوه للشناط انا احب مانقو بس مادري عنكم
10-عطورات اكيد المخطوبة راح تحتاج لعطورات في فترة خطوبتها اكثر من اي شي ثاني وتعرفون مشكلة العطور ماتعرفين الريحه صدق الا بعد نص ساعه من البخ فاللي مجرب عطور جديده يعلمنا مثل كرستين ديور الجديد وقوتشي وشانيل وسنيما وبرتني الجديد وكثير عطور طالعه جديده
11-نجي لللأهم وهو ثوب الملكه والخطوبه وين تنصحون افصله والا اخذ جاهز انا رحت لكل اللي بشارع العليا مشكلتي مايعجبني شي رحت للمسات طيبه وروزانا واسواق مكه ورحت المتنبي في كم فستان اعجبني بس متردده اخاف مايكون لبسه حلو و24 ساعه على النت اتنقل بين ازياء فساتين السهره بكل المنتديات من جد معذبه نفسي لأني احيانا كنت اشتري من قبل فساتين سهره وبعد ماشتريها ماتدخل مزاجي يعني مااثق في ذوقي كثير مع ان الكل يحب ذوقي ويستشيرني
12- وهو الأهم في الدرجه الثانيه وهي الحجوزات لازم اتحرك واحجز المصورة والكوفيرة واكثر شي انا خايفه منه المكياج مدحولي الملتقى وارابيل وابولو وسواريه ووحده اسمها روز ووحده اسمها رنا وام داني وفلانه وفلتانه وعلانه والمشكله اني ماجربتهم وماشفت مكياجهم على احد وعشان كيذا انا خايفة يعني ابي وحده مكياجها حلو وسعرها معقول خصوصا انها شبكه مو زواج ومن ناحية التصوير انا جربت استديو أضواء وصورت عندهم أكثر من مره بس السعر لما يطلعون برا غير وحسيتهم غالين شوي ورحت للأستديو ساما وارتحت لهم بس برضو غالين شوي انا مابي السعر يتعدى 1500 ولاأبغى صور كثيره بس هم مايرضون باقل من 40 صوره ومدحولي كمان استديو ريما اللي بالتحليه ومدحولي وحده اسمها زينه بس شكلها اغلى من أضواء بس في وحده اسمها بدور سعرها معقول ياترى قد جربتوها او سمعتوا عنها وهل تنصحون اخلي الصور كلها ديجيتل والا جزء منها.
هذي النقاط اللي احس ان كل بنت مخطوبة تحتاجها قبل الملكه بس نحتاج منكم الخبره والتجربه وانتم اخواتنا في هالمنتدى لاتحرومنا من خيركم

وننتظر مزيدك

مشكــــــــــــــــــــــــــــ على الرد ـــــــــــــــــــــــــورة